我主場:萬能鍾點止講波佬

更新時間 (HKT): 2013.07.14 05:20
鍾志光瓣瓣通,還擁有碩士銜頭,絕對是非一般的講波佬。<br/>攝影:陳志嵐

太監初體驗

直到《古靈精探》的出現,令他嘗試做醫生和律師以外的角色,他說:「張乾文(監製)畀咗個好得意嘅角色,嗰次佢安排我做一個好鍾意鬧人嘅警司,結果觀眾都好受落,所以跟住搵我做嘅角色都好多元化,呢個係我從體育記者轉去拍劇嘅唔同工種。」他續說:「我成日都同人講,係呢個行業搵我,而唔係我搵呢個行業,喺我𠵱家嘅年紀睇番轉頭,你會發覺有好多嘢係冥冥之中嘅安排,而唔係我處心積慮去做,行到邊、去到邊,就算係讀書都係一樣,當初我選擇讀師範做老師,過咗若干年之後,有啲同學因為職業需要再讀學位,大家傾開偈,又介紹啲啱讀嘅課程畀我,點知一讀就讀出癮。」結果鍾仔成為人文學科榮譽學士、中國語言及文學以及哲學文學碩士。

最緊要開心

問到鍾仔會否寄望演戲事業上可以再行前一大步,他說:「OK喇!呢啲我隨遇而安,有得畀你咪做好佢,冇嘅都唔會諗。可能因為讀書嗰陣令我有啟發,某程度心理睇得越嚟越開,好似喺電視圈,大家都知某程度上係爭逐名利嘅地方,但係我一直處之泰然,今日你有嘢安排做,好呀,多謝你!聽日冇晒啲嘢做,咁咪冇囉!我總會覺得,如果我有呢個能力,而你唔搵我去做,呢個係你損失,但係如果有個人嘅能力係好過我,點解你唔搵佢做?呢個世界唔係唯你獨尊,點樣都會變,今日我做足球主播,但係我唔會做一世,我都會離開呢個世界,始終有人做㗎。」

娛聞樂陪你走遍全球追星,即Like「娛果」FB 專頁!
BannerBanner