團結力量爭發牌
日前美棋受訪時談及去向和公司關係時，不禁黯然落淚說：「𠵱家做到嘅比想像中更多，如果個天係時候攞番，我都OK，公司上下，經理人幫我做咗好多嘢，好多人做呢行兩年都未必有我咁幸運。一日劇集未出街，都好難令人信服，你見到公司同事同心協力去幫大家，呢份人情味係我最感觸，大家好團結去爭取發牌，啲人成日話香港人自私，今次件事畀我睇到團結兩個字，每個人都行出嚟撐老闆，士氣十足，自己都嘆為觀止。」面對曲終人散，難以掩飾傷感，美棋繼續哽咽：「最慘係睇到，又幫唔到忙，有人要養家，有人雄心壯志以為有作為，每個人都有自己嘅故事，巿面上突然多咗三百幾位同業，我想身邊人搵到嘢做。」
望港劇突圍而出
