翻脹200磅 肥得漂亮
欣宜:我冇自暴自棄

更新時間 (HKT): 2014.06.25 05:20

現年27歲的鄭欣宜遺傳媽咪沈殿霞(肥姐)的基因,15歲時體重已高達230磅,雖然曾經因入行拚命減肥,成功激減至130磅創造神話,然而,最近欣宜的身形又再翻脹至200磅,雖然雙下巴、豪華躉、水桶腰、麒麟臂、象腿再現人前,直逼已故媽咪肥姐的招牌身形,不過欣宜現在卻肥得健康又開心,充滿自信地向港女展示肥都可以好靚的欣宜說:「我冇自暴自棄!」

鄭欣宜不但遺傳媽咪肥姐的演藝天份,同樣亦遺傳了肥姐的肥胖基因,8歲已膽固醇超標兼有高血壓,青春期體重更高達235磅,於03年欣宜擔任瘦身代言人,於一年內成功搣去100磅肥肉,搖身一變成為130磅的窈窕淑女。惟曾經創造減肥神話的她,近年身形卻時脹時瘦,最近體重更翻脹至200磅,完全配合錢國偉執導新戲《辣警霸王花》扮演肥警花的角色。

拍動作戲挑戰自己

衝破肥人社會迷思

曾因做藝人而接受地獄式減肥的欣宜,月前轉簽蕭定一旗下一元製作室,終於不用再受減肥之苦,她說:「簽呢間公司之前,我同老闆阿一講咗唔使減肥,最緊要身體健康,老闆都叫我應承佢每年做身體檢查,我都做咗,健康嘅,正常嘅,我應承大家繼續做運動,只不過冇之前咁緊張磅數同身形。」

娛聞樂陪你走遍全球追星,即Like「娛果」FB 專頁!
BannerBanner