【名門】周國豐 弘揚國粹

更新時間 (HKT): 2015.04.25 05:20
周國豐(右)與江師傅在板凳上黐手切磋,增添難度。攝影:葉君海

周啟邦生前怕兒子被人欺負,故鼓勵周國豐(Brandon)練武,Brandon日前接受本報專訪,憶起父親的教誨:「習武能強身健體,所以自小已畀我接觸中國功夫,六歲已習北少林武術,之後學過跆拳道、劍擊、泰拳,你可以話我係武術發燒友,基本上任何有關武術嘅電影、書籍我都會睇,屋企都好多刀刀劍劍,有間房係專門收藏,每星期幾忙都會抽時間練武。武術係中國嘅國粹,喺中國急速消失,覺得好可惜嘅一件事,身為中國人,我希望將中國武術做啲事。」

首創板凳黐手增難度

【父親教誨字字千金】

現年30歲的Brandon,畢業後一直任職大律師,四年前他開始感到工作壓力很大,令他每晚失眠,記憶力開始差,一次到英國,他發現一張優質的床褥,確實能讓人改善睡眠質素,令他健康,於是他便起了代理高級床褥生意的念頭,代理英國百年歷史的Vi Spring與法國的Treca Interiors Paris品牌。

Brandon指生意已陸續上軌道,一直以來得到家人支持,尤其是母親譚月清,大讚他有諗頭,而父親生前的說話,Brandon也謹記在心,他說:「媽咪不嬲都知我想創業,佢知我有潛在創業家嘅心,佢一路以嚟都好支持我。而爸爸亦教識我好多嘢,嗰時佢講我會左耳入右耳出,當時年紀太細,𠵱家諗番起覺得好make sense,佢教咗我好多嘢,做生意係要落手落腳,親力親為先可以成功。」現時他經常巡舖,更親身為客人提供服務。

娛聞樂陪你走遍全球追星,即Like「娛果」FB 專頁!
BannerBanner