【迎猴年】為囝囝變女強人
林雅詩洗走負能量

更新時間 (HKT): 2016.02.06 05:20

還有兩日就是農曆新年,現時獨力撫養兒子的林雅詩,復出後馬不停蹄頴銀,但新年習俗仍會做到足,她說:「我會繼續派利是㗎!我覺得呢樣係開心事,今年我會安排一個family trip畀囝囝、媽咪同Uncle、細佬同埋佢女友,雖然我囝囝都試過同婆婆一齊去旅行,但係今年我想更加warm啲、熱鬧啲,亦希望囝囝唔會覺得有太大轉變,好彩佢都OK,我仲同囝囝講農曆年會陪佢多啲,希望可以有8、9日時間陪佢,所以新年前要趕晒所有工作。」

逃出離婚陰霾

由全職主婦變做身兼家庭和事業的媽媽,面對這個轉變,Grace努力工作賺錢的同時,亦不會忽略照顧囝囝,她坦言是自己和兒子的一個學習的好機會:「𠵱家佢對我啲工作好有興趣,好似前排我上咗內地拍電影,我哋成日都視像,我都有畀現場啲嘢佢睇,佢都好似好奇同好有興趣。」她還說:「仲有一次我約咗一班好耐冇聯絡嘅小學同學聚會,我囝囝經過我食飯嘅地方,好開心話想上嚟搵我,仲要同啲auntie傾到唔捨得走,以前佢唔會咁樣,可能佢想我多啲時間陪佢,亦都想了解我做緊乜,所以你問我,𠵱家對我哋嚟講,係一個好好學習,教識佢做嘢係咁樣,畀佢睇吓原來媽咪做嘢係咁。」

娛聞樂陪你走遍全球追星,即Like「娛果」FB 專頁!
BannerBanner