34歲生日渴望真愛
孫慧雪Dry足半年 谷胸徵婚

更新時間 (HKT): 2016.07.13 05:20

宅男女神孫慧雪與ViuTV選美真人騷《美選D.n.A》參賽者許珮榆(Diva),昨日一身賽車女郎打扮出席荔枝角舉行的「PlayStation@動漫電玩節揭幕禮」,二人齊齊谷胸上陣,不時彎腰示範做小手工及玩賽車遊戲,惹火身材令人噴血。

唔執寫真Sell肉地

原來昨日是阿雪34歲生日,她揚言渴望找到另一半:「我都有一顆恨嫁的心,想搵個人錫我、錫我家人,夾得嚟嘅人,對上一次拍拖係半年前,𠵱家冇人追。」阿雪近日推出寫真集,她指寫真集大賣將要加印,由於之前不少粉絲未能取得到簽名,所以考慮再舉行一次簽名會。對於有人批評她寫真未有執相,阿雪卻謂:「我話執瘦啲,師傅話要自然啲,sell肥肥哋。」

Diva自爆做媽咪

此外,負面新聞多多的Diva,被指曾生仔、入戒毒所、任職舞小姐及整容等等,對此Diva說:「我有心理準備,謠言止於智者,以前個男友有個小朋友,我哋一齊5、6年,小朋友都叫我媽咪,我哋關係好好,之後個男仔有外遇,個小朋友好可憐。我最青春嘅時間都畀晒佢,我哋16、17歲一齊,18歲一齊住,22歲分開咗。舞女?我冇做過,以前男友鍾意去夜場,我承認我成日去玩。」

娛聞樂陪你走遍全球追星,即Like「娛果」FB 專頁!
BannerBanner