【冠軍級姊妹團】同副機師男友排期註冊 戚黛黛意大利古堡行禮

更新時間 (HKT): 2016.08.15 16:52

前港姐戚黛黛月初宣佈同拍拖三年,細自己兩年嘅副機師男友Calvin結婚,仲搵嚟一眾好友陳茵媺、曹敏莉、朱凱婷、張嘉兒、李施嬅及張紫櫻(車車)等做姊妹團。

《蘋果》今日仲發現戚黛黛同Calvin已經排期註冊,據知佢哋下月將會喺意大利一座古堡行禮,隨後亦都會喺香港同多倫多補擺喜酒。《蘋果》致電黛黛,佢話自己有三粒星係香港人,所以喺香港註冊:「本來係有諗過係意大利註冊,不過手續太繁複,要去第一個城市申請,但係又唔一定批,又驚等唔到,太大risk,所以唔博,男朋友本身係加拿大籍,但係我哋趕唔切返去,我係加拿大出世,但係我喺香港長大,我身份有三粒星,我係香港人,所以喺香港註冊都無問題。」

娛聞樂陪你走遍全球追星,即Like「娛果」FB 專頁!
BannerBanner