【爆相爆片】拍拖食麵搭枱超貼地
Anjaylia摸面珠 冧爆闊少

更新時間 (HKT): 2016.09.24 05:20

入行多年形象純過蒸餾水的「邦民女」陳嘉寶(Anjaylia),雖然其闊少男友Epaphras有半億身家,但Anjaylia卻喜跟男友出入平民食肆。日前有讀者發現Anjaylia與男友到銅鑼灣榮記搭枱食車仔麵,生活十分貼地,情到濃時她還摸男友面珠,表現甜蜜。Anjaylia昨日表示愛到平民食肆開餐:「魚蛋車仔麵都好好食吖,我鍾意呢啲多過食翅。」

現年26歲的「邦民女」陳嘉寶,前年宣佈跟圈外男友黃頌祈(Epaphras)拍拖以來,不時被發現孖住出巡晒恩愛。有指Epaphras比Anjaylia大八年,家族至少擁有七個物業,身家半億,雖然Anjaylia與男友已共賦同居,但她曾表示與男友也是虔誠基督徒,所以不會有婚前性行為,僅會錫錫拖手,作情侶拍拖正常動作。

「鍾意食麵多過翅」

對於捨棄高級餐廳跟男友在平民食肆開餐,Anjaylia昨在電話中回應說:「其實我乜都食,好食就食,車仔麵我成日都去。我哋都係普通市民,都係做番日常生活會做嘅嘢,如果做嘢就會着到好靚化到好靚,去啲好靚嘅地方,唔係做嘢大家都係過番啲普通人生活。」是否享受普通市民的拍拖生活?Anjaylia笑說:「都係嘅,不過有時周年慶祝、朋友生日聚會,耐唔耐都會去啲靚啲嘅地方,但平時覺得自己都係普通人,都會去一啲自己鍾意食嘅地方,同埋魚蛋車仔麵都好好食吖,我鍾意呢啲多過食翅。」

讚男友靠自己創業

娛聞樂陪你走遍全球追星,即Like「娛果」FB 專頁!
BannerBanner