【認仲有聯絡】被影到同麥明詩買戒指 林作:係咪單身都唔講

更新時間 (HKT): 2016.10.06 20:00

九巴後人雷怡暉、林作同趙式芝夫婦待今晚喺金鐘英國駐港總領事館,出席一電動跑車嘅記者會。林作接受訪問時自言近況不錯,但因為轉天氣,所以有少少傷風,被問到目前單身冇女朋友會唔會傷上加傷,佢就話感情轉低調同不會回應有關感情問題。被問到早前被影到同麥明詩一齊買戒指,中秋更一起食飯,係唔係轉玩地下情時,佢話:「唔回應,係咪單身都唔講嘞。」佢承認同麥明詩仲有聯絡,亦知道對方目前喺泰國工作。林作認同麥媽媽所講情侶離離合合,係好正常嘅嘢,同時恭喜對方嘅書攞獎。

另外,雷怡暉透露有玩開電動汽車,佢話:「呢款好特別、好快,鍾意開篷車因為好自由感覺,同鍾意一個人遊車河。」佢透露近幾月個引入咗唔少意大利品牌男仕護膚品,因為男仕嘅使費好大,對於感情生活雷怡暉表示有約會,但目前冇拍拖,佢話:「新識嘅人都以為我女強人,我都想溫柔啲。」

娛聞樂陪你走遍全球追星,即Like「娛果」FB 專頁!
BannerBanner