【再見可以做朋友】分手後同林作買戒指 麥明詩媽媽:離離合合係好正常

更新時間 (HKT): 2016.10.06 16:20

麥明詩媽媽麥何小娟同方健儀今日喺鑽石山出席《香港金閱獎》頒獎禮,分別獲頒《最佳生活百科書》同《文史哲類最佳書籍》,佢哋嘅屋企人都有出席支持,不過麥明詩就因為喺泰國工作未能現身。麥媽媽話:「我哋下星期會去台灣旅行。(補祝得獎兼陪麥明詩散心?)都係,要休息下。」

問到麥明詩啱啱分手係咪唔開心?麥媽媽話﹕「其實佢好忙,寄情事業。」但有人影到佢同林作買戒指,係咪復合?佢話﹕「我唔在場。(有冇同你解釋?)換句話說,泛指年青人,戀愛階段離離合合係好正常,再見可以做朋友。其實你哋仲清楚,最好尊重問番佢,我自小培養兩兄妹,教佢哋理性控制感情,唔可太憑感覺,如果唔係就好多爭鬥。」咁係咪復合?佢話﹕「等佢哋自己決定啦。(麥明詩被分手?)都唔知佢哋情況,問番佢哋啦。」

娛聞樂陪你走遍全球追星,即Like「娛果」FB 專頁!
BannerBanner