【獨家有片】醫生男友全天候服侍 爆粗港姐馮盈盈預支蜜月勁慳家

更新時間 (HKT): 2016.10.10 18:02

今屆出爐港姐馮盈盈,由參選到當選都咁惹火,由Ig貼滿火辣水着,到當選後第二日,俾人揭佢喺facebook爆粗鬧建制,俾人起底撐佔中,俾人鬧「妓女不如」,仲有人發起叫佢讓冠軍寶座俾亞軍劉穎鏇,火頭處處。

一夜間,馮盈盈經歷人生高山低谷,一言一行都備受高度關注。好彩佢身邊仲有個10A狀元、o依家喺瑪麗醫院任職內科駐院醫生嘅男友Martin,對佢不離不棄。(新聞連結: http://bit.ly/2dBk5ew )

前日下晝約5點半,有讀者張小姐,透過本報「爆相爆片」,見到馮盈盈同男友Martin,乘坐香港航空經濟位到台灣,身邊仲有個中年女人同行。

喺香港機場嗰陣,讀者張小姐首先見到Martin喺櫃台排隊check-in,當時佢已經認得係馮盈盈男友。張小姐指當時只見Martin一個人,未見馮盈盈同行。張小姐話:「到我上飛機嗰陣,就見到馮盈盈坐喺男友隔籬,馮全程戴住口罩瞓覺,飛機停定嗰陣,仲戴埋黑超,佢同男友講嘢都好避忌,好細聲,可能驚人認得啦!」

張小姐繼續講: 「個男仔其實試過幾次想搭馮盈盈膊頭,不過舉起手,諗咗陣又放低番,試完左手,又試右手,搞到一輪先搭到!到喺台灣機場攞行李嗰陣,馮盈盈又係坐埋一邊,等男友搞掂晒,先過去會合番!」

娛聞樂陪你走遍全球追星,即Like「娛果」FB 專頁!
BannerBanner