【紙紮舖轉型求存】
祭品超市化 洋人掃「美金」留念

更新時間 (HKT): 2016.10.10 05:20

「全盛時期有成廿幾間(紙紮舖)!」面前伯伯聲如洪鐘,一雙赤腳游走檔舖,在元寶蠟燭金紙佛香前左穿右插。他叫杜千送,在上環紙紮街(皇后大道西)經營紙紮舖三十八年,是第二代傳人,見證着紙紮業和這區的變遷。「以前啲地方冇咁矜貴,依家差唔多幾百倍升上去,好多舊樓都拆晒。」

杜先生邊跟記者談話,邊走到櫃枱端出紙祭品向客人推銷,款式中西合璧花多眼亂。「盡量搵多啲商機,希望做到類似超市咁,你要乜有乜,衣食住行都有,盡量滿足客人要求。」除了售賣紙紮品,他還會幫客人查通勝,看看哪些日子適宜搬屋、嫁娶。其中一項較鮮為人知的「服務」,叫查日腳。杜先生說:「呢啲都係我哋嘅範圍嚟,有陣時啲細路哥唔舒服,好多老人家教落,可能有時時運低,撞到啲污糟嘢,咁就拜一拜。唔係話要導人迷信,但拜祭吓亦無妨。」

然而,自從港鐵西營盤站開通,這區的舖租飆升,不少老子號店舖關門,有些被大財團收購店舖,用來興建高樓大廈。杜先生比較幸運,店舖是自己的,不用捱貴租,但假若他將舖頭租出,收入分分鐘比開舖更多,他說:「其實都有掙扎。但有時你做落去,啲客仔都有感情嘅,如果你突然間話唔做,好似對社會冇咗責任感。」亦因為這份信念,杜先生希望下一代能堅守,將家傳祖業傳承下去。

娛聞樂陪你走遍全球追星,即Like「娛果」FB 專頁!
BannerBanner