【便秘！便秘！咩都廢！】黃宗澤經典事件大全 《K歌之王》真係災難…

黃宗澤出道以來都係喺大台工作，2002年拍《衝上雲霄》上位，多年嚟被大台力捧，拍劇、唱歌、拍電影乜都試匀，不過都引申唔少笑料。

就好似08年《野蠻奶奶大戰戈師奶》 播出嗰陣，有網民發現男主角黃宗澤喺劇中同胡杏兒有一幕佢竟然「火車未到站」（冇拉褲鍊）之後仲為網民熱話o添！

不過講到佢最「驚為天人」嘅一定係佢嘅唱功，當年佢參加「2008年度勁歌金曲頒獎典禮」，節目中佢被抽中同陳奕迅輪流唱Eason嘅《K歌之王》。Bosco卻唱得上氣唔接下氣，仲係咁走音。

仲有Bosco曾經主唱《爆旋陀螺鋼鐵戰魂》卡通主題曲《勁爆 Metal Fight》，裡面有一句歌詞「Be Brave!　Be Brave!　Metal Fight」，發音超難。仲搞到好似唱緊「便秘 便秘 咩都廢！」咁o添（相關新聞： http://bit.ly/2eh69Hq )！