【C1頭條】改名轉行避世 彤叔紅顏Cindy被數臭 姑媽控訴:佢趕我走

更新時間 (HKT): 2016.10.29 00:00

新世界發展名譽主席鄭裕彤(彤叔)上月29日於家中辭世,除了元配妻子周翠英,陪伴彤叔8年的知己顧美蓮(Cindy)亦成為焦點,其姑媽、活躍娛樂圈兼被稱為「金牌媒人」的Boe媽(顧紹芬),大爆Cindy將她由舊屋趕出,承諾每月給她的6,000元資助沒有再付且失蹤,嬲爆的她指Cindy過橋抽板:「她招報應的!」

上月辭世的鄭裕彤,生前曾表示多年來不敢娶妾,因太太會「閹咗佢」。不過,彤叔身邊紅顏不少,當中包括現年約30歲、已陪伴彤叔身邊8年的顧美蓮(Cindy)。有指Cindy因為乖巧、好靜少說話,甚得彤叔歡心,2012年初更被影到她陪彤叔去中環巡舖,惟同年彤叔中風後便未有再見她露面。

據知,Cindy與彤叔關係始於2004年,由其活躍娛樂圈、被稱為「金牌媒人」的姑媽Boe媽,將她介紹給彤叔認識,其後Cindy入住新世界服務式住宅,出入有司機接送,至2012年再傳彤叔送了一個位於土瓜灣傲雲峰500呎單位給她。Boe媽向周刊爆料,指自己被Cindy趕出這個單位,又指Cindy本來答應每月支付6,000元,補貼她在同屋苑租屋住,可是最近3個月完全無影兼失去聯絡,呻Cindy疑過橋抽板。

Boe媽與不少圈中人熟稔,包括譚玉梅、章小蕙及楊恭如都是她朋友。昨日Boe媽向本報透露Cindy現任職保險工作,英文名改為Michelle,她說:「佢咁樣對姑媽呀!我由哈爾濱將佢帶嚟香港,佢咁對我,你話啱唔啱呢?Cindy趕我出嚟,趕我搬出嚟,佢話新世界要收番,我就搬咗出嚟,佢話幫我交6,000蚊租,我自己交1萬,又幫我簽一年生約、一年死約租樓,o依家交咗差唔多一年,6,000蚊都唔幫我交,佢同我反臉喇,我未同佢鬧過交、冇同佢拌嘴,都唔知發生咩事,佢就趕我出嚟!」

Boe媽續謂,Cindy現將她本來入住的單位以16,000租出,「係彤叔送畀我住,彤叔寫Cindy個名,我都唔知,佢話物業係新世界,佢呃咗我。」Boe媽又指自己有「三高」:糖尿、膽固醇及血壓,越說越激動的她表示:「根本都唔係新世界,係佢名下,咁樣呃我。彤叔送畀我住㗎!因為我老公有鼻咽癌,我有三高,囝囝本來喺澳洲讀書都要返嚟。」

對於周刊稱Cindy不理Boe媽,因為覺得她養小白臉,Boe媽則指內地歌手羅邏聖有才華,才幫對方出碟及接登台工作。Boe媽斥Cindy說:「有報應!招報應的!人在做,老天在看,她招報應的!好景時,我幫佢買衫、買鞋,乜嘢都畀佢,最好嘅嘢都畀佢,佢咁樣對我。」

此外,本報致電向新世界方面查詢,欲求證有關Cindy持有物業是否由彤叔送贈,惟截稿前未回覆。

娛聞樂陪你走遍全球追星,即Like「娛果」FB 專頁!
BannerBanner