【抵港住300呎單位 】來自哈爾濱 彤叔知己8年升呢 揸5千萬豪宅

更新時間 (HKT): 2016.11.02 13:38

「彤叔」鄭裕彤月前於家中辭世,享年91歲。除咗元配妻子周翠英,陪伴彤叔8年嘅紅顏知己顧美蓮(Cindy),近日亦俾姑媽Boe媽(顧紹芬)翻舊賬,指Cindy過橋抽板云云。

早喺2004年,彤叔就同呢個嚟自哈爾濱嘅女仔,即Boe媽嘅姪女有不解之緣。當年喺哈爾濱參加美少女選舉拎冠軍嘅Cindy,嚟港後再參加周刊選美,得Boe媽介紹,結識到彤叔,當時彤叔欣賞女方似鞏俐同章子怡,Cindy因而甚得彤叔歡心。

當年Cindy唔想做明星,最初被安排入住新世界300幾呎服務式住宅單位,月租不過9,000港幣。

不過嚟港後,經過幾年大翻身,Cindy無論個look同得寵程度,都有提升。有傳彤叔送過物業俾Cindy,而Cindy名下的確有3個物業,分別係06年購入嘅干德道30號低層單位,11年9月以$1,350萬賣出。

現時Cindy仍有兩個物業揸手,分別係10年11月以價值$429萬買入嘅土瓜灣傲雲峰同11年9月買入價值$3,800萬舊山頂道翠峰園低層單位,出入都有司儀接送。

娛聞樂陪你走遍全球追星,即Like「娛果」FB 專頁!
BannerBanner