超瓊點醒鄭紹康
賭王見人就握手

更新時間 (HKT): 2016.11.06 05:20

有「天下第一關」之稱的鄭紹康,在公關界打滾20年,現於何超瓊(Pansy)的天機公關公司擔任行政總裁一職,從超瓊身上獲益良多,他說:「有次Pansy同我講,何博士(何鴻燊)每日袋住一叠卡片,見人就派同握手,佢話佢都未識夠人呀,當時何博士88歲,Pansy就話『爹哋都唔停我點停?』。」

要學識忍功

鄭紹康早前被蘇永康點名狂鬧,但他仍見招拆招。他直言做公關最應該學識「忍」,試過被人鬧足一星期仍要啞忍,他說:「有男仔同其他男仔玩得好開心,又上咗頭版,男主角好㷫咁打嚟鏟到我上天花板,我話佢應該見到上面啲記者喺度影緊,但你都喺到磨咁點呀?俾人鬧何止一個禮拜,直情係日鬧夜鬧呀!」

齊昕要聽話

每次出席活動,鄭紹康都要照顧好多紅星、富商名媛,當然還包括年輕富二代,他說:「我有幾個入室弟子,但有啲做完暑期工都係乜都唔知,咁佢𠵱家都係好出色嘅造型師,但我冇教過佢當街屙尿。」而梁齊昕去年萬聖節摑阿媽,他亦記憶猶新:「呢啲情況要考慮多一重,要照顧埋父母感受,個女未必鍾意,但有時又要聽吓媽咪講嘢囉。」

娛聞樂陪你走遍全球追星,即Like「娛果」FB 專頁!
BannerBanner