【消失咗兩日兩夜】張靚穎友人力證張媽媽曾應承出席婚禮

更新時間 (HKT): 2016.11.08 21:53

大陸女歌手張靚穎今晚喺意大利古堡同馮軻舉行婚禮,請咗香港著名填詞人陳少琪做證婚人,然而張母卻未有到意大利出席女兒嘅婚禮,有大陸傳媒報道指張媽媽表示冇收到邀請,心情好低落!佢仲話張靚穎嘅戶口名簿還仲喺佢度,唔知道婚事得唔得到法律嘅認可。

香港時間7時許,張靚穎同馮軻係意大利舉行婚禮,除咗請到陳少琪做證婚,靚穎仲請咗劉亦菲做伴娘。對於張媽媽話未收到邀請出席婚禮,張靚穎嘅友人向傳媒爆料話,力證靚穎有邀請張媽媽出席婚禮,兼且張媽媽曾答應出席婚禮,然而最後卻消失咗兩日兩夜,發微信俾佢都冇回覆,所以先會錯過女兒嘅婚禮。

證婚人陳少琪喺婚禮上致詞,佢話:「我對婚姻有一個小小的感悟,我認為婚姻的動力是愛,而衡量愛的標準,是時間和經歷,相信大家也跟我一樣,這麼多年來見證了他們一起,事業上共同的打拼,人生路上共同的成長。從一個小小的音樂夢想走到今天在美國發片,為華人爭光。十多年來兩個人相互扶持,從成都走到羅馬,這些都是他們心裡有愛最有力的證明,這些都是時間和經歷。今天我想用靚穎的兩首歌名改一下作為我對新人的祝福『你們說好的,一定要幸福』。」

娛聞樂陪你走遍全球追星,即Like「娛果」FB 專頁!
BannerBanner