【加埋幾多歲?】溫拿同太極齊開騷 雷有暉:總年齡相約

更新時間 (HKT): 2016.11.16 14:55
攝影:馬建華
(蘋果日報)

兩隊本地殿堂級樂隊溫拿同太極,以往合作最多是擔任對方演唱會嘉賓,今次終於有機會共同開騷對決,兩隊十一人今日齊集灣仔舉行記招,宣布將於明年1月7日喺亞洲博覽館ARENA舉行一場演唱會。

輩份最高的譚詠麟(阿倫)戴上黑超手執柺杖進場,驟眼看似早前電影《江湖大佬》中造型,佢話因為之前喺大陸踢波時被踢中右腳受傷,阿倫指彭健新提議騷名叫《溫拿耍太極》。講到兩隊對決,雷有暉明言太極實比下去,是指年紀方面,但太極事後補充兩隊分別總年齡相約,因為太極多一位成員。

現場見到阿倫行每步路都小心翼翼,佢笑指終於用到父親傳下來柺杖,佢話:「大後日要去新加坡開個唱,嚟緊幾日唔可以俾隻腳受力,一定會全速痊癒。」鍾鎮濤指今次組合太經典,已經有外國同大陸主辦想邀請佢哋巡迴演出,但香港只得一埸。

太極坦言只得一場絕不夠喉,因為能夠同溫拿同台係千載難逢機會,佢哋又指得一場,門票方面已被溫拿Fans清倉。日前雙方已開會傾歌單,雷有暉指大致上揀好,佢哋都好有私心,專登挑選了不少溫拿初期英文歌,因為平時已冇機會聽到。

娛聞樂陪你走遍全球追星,即Like「娛果」FB 專頁!
BannerBanner