【零整容美女】金裕貞節目晒素顏 《雲畫》演員重聚

更新時間 (HKT): 2016.11.21 13:30
金裕貞於《兩天一夜》中大方晒素顏

韓劇《雲畫的月光》女星金裕貞有「零整容美女」之稱,早前佢演出節目《兩天一夜》時,更大方晒素顏,一樣都咁靚。於噚日播出嘅節目中,金裕貞玩完遊戲後返房休息,佢就開始於鏡頭前刷牙洗臉,大晒靚靚素顏,令觀眾非常羨慕。

而17歲嘅金裕貞除咗有活潑可愛一面外,穿上長裙時都會散發出淑女嘅味道。早前佢就飛去塞班島為雜誌拍攝新相,換上多套秋裝,配上有啲cool嘅表情,展現輕淑女魅力。

另外,《雲畫》一眾演員一向好感情,劇中飾演「準世子嬪」嘅女星蔡秀彬,近日忙於演出舞台劇《Blackbird》,金裕貞、朴寶劍及郭東延都有現身撐場,不過金裕貞就係三日前去睇騷,朴寶劍及郭東延就孖住於噚日現身,兩位《雲畫》主角係分開去。

娛聞樂陪你走遍全球追星,即Like「娛果」FB 專頁!
BannerBanner