【百萬婚禮】周柏豪秘娶拍拖10年女友 布吉沙灘行禮肉緊咀

更新時間 (HKT): 2016.11.29 00:43

孫慧雪入紙註冊結婚,下月行禮,估唔到圈中另有一件喜事搶先爆,就係——柏豪結婚了!

2014年,喺叱咤頒獎禮上連掃多個大獎嘅柏豪,喺台上發表愛的宣言,當時佢話:「感謝你陪我長大。好感謝你,我會跑快啲,跑到我哋嘅終點,我愛你,多謝你嘅耐性。」感謝任職i.t.買手嘅同居女友Stephanie Chu一直不離不棄。數月前仲話自己未有能力結婚、希望搵「雙倍」身家先至成為「兩家之主」嘅柏豪,原來日前已秘婚!

上周二仲喺fb放風話自己忙住拍大台新劇《使徒行者2》冇晒時間嘅柏豪,原來係放煙幕,翌日就同拍拖10年嘅女友Stephanie,擲過百萬請60位親友去布吉(包括唱片公司高層Gordon同連詩雅),周六(26號)傍晚六點,於當地一家五星級度假村舉行婚禮。一對新人在沙灘行禮,西裝筆挺嘅柏豪踏入人生另一階段,禮成後肉緊得擁著妻子錫錫,朱小姐身份正式成為周太喇!

恭喜晒周生周太!之前柏豪話過,想有能力先至結婚,因為自己係一家之主,「我鍾意照顧人,希望好似救世主咁,等身邊人唔使煩。」仲話希望太太婚後可以專心照顧家庭,唔想佢做嘢。

好sweet呀!

娛聞樂陪你走遍全球追星,即Like「娛果」FB 專頁!
BannerBanner