【擺酒無期】老公未過外母關 張靚穎暫緩家鄉婚禮:希望我媽出席

更新時間 (HKT): 2016.12.06 21:40

大陸女歌手張靚穎上月初同經理人馮軻喺意大利舉行婚禮,雖然張靚穎母親張桂英極力反對親事,認為馮軻只係騙財騙色,搞到好大件事,不過,都係阻止唔到個女出嫁。(新聞連結: http://bit.ly/2g5Qbwy )

事隔一個月,大陸傳媒今日報道話,張靚穎近日受訪時,透露會暫緩原定喺家鄉成都舉行婚禮嘅計劃,全因佢「希望我的婚禮上面有我媽出席」。張靚穎仲話家陣雙方溝通都仲係僵持緊,而且已經唔係新鮮事:「其實已經發生了很長的時間,所以還是讓時間去解決。」

另外,張靚穎又提到自己當日選擇一座有1400年歷史嘅意大利古堡結婚,其實另有意思:「我覺得能經得起時間的考驗,就是對婚禮最好的見證。」大陸傳媒更覺得張靚穎對與媽媽嘅關係,保持住樂觀同積極嘅態度。

娛聞樂陪你走遍全球追星,即Like「娛果」FB 專頁!
BannerBanner