【偷食人妻】李潤庭新歡都係人妻兼空姐 元朗拍拖被捕獲

更新時間 (HKT): 2016.12.07 16:25

喺有線過檔去大台嘅前新聞王子李潤庭,今日俾人爆佢背住空姐老婆,同小三喺赤柱摸pat濕吻兼帶埋返屋企,結果惹嚟唔少人喺網上討論。

之後呢個小三仲俾人大起底,報道話小三叫Tiffany,佢唔單止同正印一樣,喺同一間公司做空姐,最令人覺得詫異,原來呢個小三本身係有夫之婦,仲有2個小朋友添!

報道仲話做空姐嘅小三結婚之後,辭職做少奶奶,專心相夫教子,聽講佢老公嘅家境唔錯,出入有司機接送,最近搬咗去元朗度住,生活絕對無憂!

唔知佢哋係咪太高調嘅關係,今日有幾個網民分別喺討論區留言,話試過喺元朗見過李潤庭,當時佢同個女仔好親密咁行街,但係當時以為係李潤庭女友,所以不以為意,直到今次驚爆李潤庭偷㗳小三,先諗起呢件事,可以見到佢哋真係好公開!

娛聞樂陪你走遍全球追星,即Like「娛果」FB 專頁!
BannerBanner