【次次酒店見】舊愛賣料俾周刊 自爆同勝利禁室培慾:猜枚浸浴

更新時間 (HKT): 2016.12.14 16:12

韓國天團BIGBANG日前推出回歸專輯,而早前佢哋就喺日本福岡、名古屋開騷,近日已返回韓國。

隊員勝利成日被拍得夜蒲媾女,又曾被爆床照,被視為BIGBANG中嘅「壞孩子」,而聽日出版嘅日本雜誌《週刊文春》就指成功訪問到一位勝利嘅前日本女友A小姐,呢位20幾歲嘅A小姐,自爆三年前曾經同勝利拍拖,兩人關係維持一年以上。

據A小姐所講,佢同勝利係喺一間會員制嘅夜場認識,二人相識冇耐就去酒店,喺酒店房內二人就玩猜包剪揼,猜輸就罰一齊浸浴,認真香艷。

A小姐話每次同勝利見面,都係喺酒店房見面,仲大呻:「一齊食嘢永遠都只係叫room service。」而該雜誌仲拍得勝利於今個月5號與另一名女子出入酒店,而4號當日BIGBANG就喺名古屋開騷。

娛聞樂陪你走遍全球追星,即Like「娛果」FB 專頁!
BannerBanner