麥包教女發憤免被分級

更新時間 (HKT): 2016.12.25 05:20

麥包的長女淳琳現年17歲,三、四年前放暑假時曾陪麥包開工拍劇,親睹父親被欺壓。麥包說:「我個女試過喺公司停車場陪我瞓咗兩個禮拜,佢奇怪點解我要咁樣就人哋,譬如就人拍先,個女會問『點解唔係就你?』我話冇所謂,爸爸係小演員,咪就吓人哋。」

麥包指囡囡曾問他可感不開心,他說:「我話冇辦法,搵食係咁,我講笑話如果你唔食飯唔讀書,咁咪可以簡單啲,你肯食粥唔食飯咪得囉。佢話『唔緊要爸爸,只要你開心,我食粥都得㗎。』佢唔想見到爸爸……未至於受氣,但分咗等級囉。」麥包叫女兒勤力讀書,免他日被人分等級,結果女兒之後發憤,學業成績由昔日中等變成頭十名,麥包說:「所以我反而多謝呢啲事件令佢明白。」

娛聞樂陪你走遍全球追星,即Like「娛果」FB 專頁!
BannerBanner