【槍頭一致】張敬軒發表愛國論 兩地網民都唔buy

更新時間 (HKT): 2017.01.10 12:11

有人話香港人善忘,不過有啲嘢,真係可以記好耐!兩年前,張敬軒先後多次發表佔中言論,唔少人都歷歷在目,更有指佢因為咁,俾大陸封殺。所以自從日前張敬軒宣佈參加《我是歌手5》後,香港同大陸兩地網民都好積極留言。

有香港網民仲好細心咁,搵番軒仔之前對《我是歌手》節目嘅睇法。當時軒仔話:「呢啲專業推介比賽有啲危險,我冇勇氣參加……內地興飆高音,我出道嗰陣嗌得下,27、8歲開始唔嗌得喇。」問到軒仔《我是歌手》搵佢上去參賽,軒仔當時抵死地咁話:「唔夠膽,唔好博喇,驚打爛自己個貞節牌坊。」

兩年過後,軒仔最終成為《我是歌手5》嘅參賽者之一。噚晚佢就喺強國人據地微博發表千字文,表白愛國心跡!除咗香港網民不屑外,就連強國網民都直斥佢前後兩個樣,夾喺中間嘅張敬軒,似乎有點點吃力不討好!

--有點失望。理想偉大,但選錯了實踐平台。仍然會喜歡你的歌聲,但抱歉不會捧這垃圾節目的場。

--失望的不是你跪底人民幣,你本來就是生於大陸。而是你在weibo那遍劃清界線的說話……你要澄清你反對分裂國家的聲音從未如此loud and clear。未红時選擇做香港人,现在事業上了位,選擇做回中國人,對吧?你選擇屈服在那些Bully你的人之下,光環掉下来,真心懷念曾是香港人的你。祝你回歸祖國順利,不會為你打氣。

--微博一套外網一套,當初佔中的時候那麼積極,作為一個公眾人物,既然要出來選邊站,给社會造成不良示範,當然要為自己的行為負責,活該現在網友抵制你,這叫自作自受,你們這種兩面三刀的藝人見多了。

--支持佔中,攻擊香港政府和內地時不遺餘力,現在卻唔敢承認,有錢搵就厚面皮返嚟,懦夫!

雖然有抨擊聲音,但亦有強國網民讚軒仔知錯能改,無忘本心,甚至有網民質疑軒仔喺微博嘅呢番言論,唔太似佢平時一貫風格,有機會係其他人為佢代筆都未定!

娛聞樂陪你走遍全球追星,即Like「娛果」FB 專頁!
BannerBanner