【錄《歌手》第一集被cut】軒仔排第4出場唱《吻得太逼真》

更新時間 (HKT): 2017.01.14 14:53

張敬軒(軒仔)明明有得唱都變冇得唱……錄完仲要被消失,好大機會cut晒所有鏡頭,日前參加湖南衛視《歌手》,周二(10號)喺長沙錄第一期,歌手包括林憶蓮、譚晶、蕭敬騰(獅子合唱團)、光良、張敬軒、袁婭維、杜麗莎及迪瑪希,呢集原本係1月21日節目首播。

軒仔係第4個歌手出場,噚日有大陸傳媒話軒仔被踢出《我是歌手》,仲會被抽走所有內容,包括唱歌部份,連同嘉賓互動都會cut埋,如果刪唔走就會用馬賽克遮樣,結果又惹嚟瘋狂式洗版。

有強國網民留言話比賽喺周二嗰晚進行錄影,嗰晚揀咗《吻得太逼真》,台下嘅氣氛都好好,有傳佢排尾二,險被foul,點知到咗噚晚凌晨,官方微博突然刪走晒軒仔嘅所有消息,好似成件事都冇發生過一樣。首輪被淘汰嘅歌手袁婭維,而第一名就係迪瑪希。

娛聞樂陪你走遍全球追星,即Like「娛果」FB 專頁!
BannerBanner