恨拍拖有依靠:求一個人分享

更新時間 (HKT): 2017.01.17 05:20
江若琳與吳卓羲因拍劇傳緋聞。資料圖片

江若琳08年與吳卓羲拍劇集《學警狙擊》傳緋聞,雖然吳卓羲大讚她識𠱁人,不過江若琳直言唔鍾意靚仔。去年5月江若琳認愛內地相聲演員曹雲金,但戀情曝光僅4個月玩完,最近她推出自己填詞國語歌《原來我還愛著你》,問是否憑歌寄意?江若琳坦言:「佢過去啦,最好嘅愛情係唔好騷擾佢,將呢段愛放喺心中。」

問29歲的她是否恨拍拖?江若琳笑着反問:「有乜好介紹?我每年都恨,辛苦時唔想自己對住四面牆,想有個依靠,大咗唔係想求啲乜嘢,想求一個人喺你身邊,聽吓你,唔使分擔,係分享。」正在等愛的女人,對男友只有一個要求:「希望身邊另一半係我最好朋友,同我分享生活上大大小小嘢,真係唔係一件容易事。」

娛聞樂陪你走遍全球追星,即Like「娛果」FB 專頁!
BannerBanner