【憶蓮知唔知?】 《我最親愛的》credit冇咗填詞人 《歌手》硬刪林夕個名

更新時間 (HKT): 2017.02.12 12:54

大陸政策,唔順眼嘅,通通一刀切!

霧霾?邊有?

掩耳盜鈴嘅,仲有大陸電視台!

噚晚湖南衛視《歌手2017》,杜麗莎被out出局,佢個徒弟林憶蓮,演唱張惠妹嘅《我最親愛的》,作曲係Russell Harris ,作詞人,係林夕。

不過,湖南衛視,喺打字幕期間,歌曲包括原唱、作曲、製作人以至現場負責彈結他、和聲以及打鼓嘅憶蓮男友恭碩良,通通有落名,偏偏節目製作人,好小心翼翼咁,漏打作詞人個名──林夕。

2014年11月,香港佔中運動挑起大陸官方敏感神經,中國廣電總局被爆抵制29位港台藝人。之後,文化部又出現查禁黑名單,「詞神」林夕被列為第二類嚴格控管。

為免有閃失,《歌手》繼張敬軒被消失後,林夕個名,有關方面同樣一刀切。

除咗憶蓮首《我最親愛的》,其實喺上一集蕭敬騰嘅《獅子合唱團》,都有唱林夕作詞嘅《百年孤寂》,咁當然,處理手法都係一樣樣。

之前另一參賽歌手迪瑪希,俾人話偷咗烏克蘭裔歌唱家維塔斯(Vitas)成名之作《Opera 2》嚟唱,大會俾咗嗰集冠軍佢,(新聞連結: http://bit.ly/2l6efFy )之但係,身為作詞人林夕嘅名字,就硬生生被節目製作人活埋!

知識產權嘅尊重,何價?

娛聞樂陪你走遍全球追星,即Like「娛果」FB 專頁!
BannerBanner