【尊重師姐】鄺美雲膝軟骨退化 王愛倫指慧妍隨時協助

更新時間 (HKT): 2017.02.19 11:51
(攝影:卓寶花)
(蘋果日報)

王愛倫、雷有暉、港姐劉穎鏇、陳雅思今早到政府大球場,出席保良局新春行大運慈善步行開步禮。

王愛倫代表慧妍雅集,同前港姐之母陳紫蓮(Rosa)一同到來,兩人關心鄺美雲(Cally)膝頭哥軟骨退化病況。(新聞連結: http://bit.ly/2lWyEOzRosa )日前代表致電慰問Cally情況,對方表示唔使擔心,王愛倫話:「Cally一直支持慧妍,亦係我地好尊重嘅師姐,有咩需要幫忙隨時搵我哋,暫時唔會去探佢驚騷擾佢,希望快啲好番有改善,唔好影響日常生活。」此外,王愛倫透露慧妍正籌備五月舉辦嘅大型籌款活動,無懼巿道差影響,50幾張枱認購成績理想,只剩約6張枱。

港姐劉穎鏇同陳雅思喺公司上進修班,完成課程需時三個月,佢哋表示期間獲資深藝人分享,有蝦頭、陸永、馬浚偉等等,陳雅思就有份夥拍前輩黎耀祥去台灣、日本拍節目,算係幾好開始,相反操半咸淡廣東話劉穎鏇則未有着落,要學好廣東話做準備。

而今日嚟到表演嘅嘉賓「星星兔」就話:「新一年好開心因為簽咗新嘅日本經理人,為佢爭取到嚟緊擔任一個好大嘅日本手機遊戲主題曲主唱,至於係邊個日本手機遊戲大家就要留意喇!」據知最近星星兔除咗狂操日文之外,今日為保良局擔任表演嘉賓,佢話好開心可以同fit得嚟又靚又有善心嘅保良局副主席梁芷珊傾偈合照,希望以後都可以繼續為慈善出力。

娛聞樂陪你走遍全球追星,即Like「娛果」FB 專頁!
BannerBanner