【祝早日康復!】專科醫生Stand by 83歲譚炳文氣喘送院面容消瘦

更新時間 (HKT): 2017.03.09 10:24

炳哥今日電話回應入院一事,佢話:「去咗日啫,冇嘢,感冒啫。入院梗係全身check過晒,住咗一日之嘛,冇事,返嚟休息幾日冇嘢,噚晚返嚟屋企啫,冇乜嘢有心。(吸氧氣?)去到養和梗畀你吸,驚你缺氧,休息幾日啦!」問到佢會再配音?炳哥好有中氣咁講:「梗係,搵食吖嘛,唔係喺屋企做咩啫,有心嘞,多謝!」

據知,呢幾日炳哥都見唔舒服,氣喘咗兩、三日,佢個妹得知後,適逢有相熟嘅胸肺專科及心臟專科喺醫院,所以嗱嗱聲送咗炳哥入去檢查,一check就發現唔嘢少,所以炳哥啲親友都話好彩,發現及時。

睇番啲相,見到炳哥雖然要戴氧氣罩,但精神都OK,不過就比佢今年1月出席盆菜宴時,明顯瘦咗一個圈,話晒炳哥都大年紀,的確係幾令人擔心嘅。

小編謹祝炳哥早日康復出院,多多保重身體。

娛聞樂陪你走遍全球追星,即Like「娛果」FB 專頁!
BannerBanner