【輪流收山】一片艷星溫碧霞 李麗珍從良封金馬影后

更新時間 (HKT): 2017.04.17 00:02

葉子楣憑住其F cup豪乳襯20吋小蠻腰成為90年代當紅艷星,其實走艷星路線嘅人唔係冇,但要紅要有知名度嘅,數埋真係唔多,但時勢唔同,艷星陸續收山,有啲仲喺娛樂圈拼博,有啲從良甚至封胸,嗰啲養眼嘅輝煌年代……

後來珍妹從良,宣佈唔再接拍三級片,到99年憑《千言萬語》奪得「第36屆金馬獎」最佳女主角,同屆入圍名單仲有梁詠琪、朱茵及李康宜。雖然珍妹樣靚身材正,但情路坎坷,喺96年嫁畀許愿,00年離婚,育有一女許倚榕。其後珍妹先後同過已婚髮型師Jacky Ma、太極樂隊主唱雷有暉及填詞人潘源良拍拖,但都未能開花結果。

00年溫碧霞嫁畀何祖光,後來收養兒子何國倫,溫碧霞雖然減少咗幕前演出,但都有出席公開活動,與及參演大陸劇集,舊年又幫ViuTV拍《三一如三》,又會拍吓廣告賺錢咁。

早年彭丹淡出幕前,轉戰內地從政兼做導演,佢喺13年成為甘肅省政協委員,又成立製作公司投資拍戲,旗下作品《南泥灣》曾獲多個獎項。

近年翁虹喺大陸發展,亦定居大陸,久唔久會返香港。

早年李莉莉淡出娛圈,並投資千萬喺江西買地鍾蔬果養家禽,推廣冇農藥、冇公害嘅食材饗大眾。月前佢染咗一頭七彩金髮現身,無論係講嘢嘅style定甫士,都同當年差無幾。

娛聞樂陪你走遍全球追星,即Like「娛果」FB 專頁!
BannerBanner