【做定禮?】郭富城雙「囍」臨門 Sunny Wong:祝福佢

更新時間 (HKT): 2017.04.23 17:09
攝影:卓寶花

胡琳、王梓軒、Sunny Wong今日喺九龍灣展貿中心E-Max為快樂男聲港澳台選拔賽擔任評判,胡琳做評判次數不多,認為評判畀分數好影響參賽者,所以會認真地去做,仲話:「自己係喺紐約參加歌唱比賽而入行,如果冇參加比賽,o依家可能成為人妻結咗婚生咗仔。」

王梓軒就恭喜胡琳喺《風雲5D音樂劇》演出成功受好評,希望同對方合作唱歌,又激讚胡琳唱歌時仙氣逼人。胡琳以「韓風小鮮肉」及「暖男」回敬王梓軒,王梓軒否認走韓風,佢話:「最近公司女同事都勁煲孔劉睇韓劇,我向同事講開出活動形象,佢哋就拎啲相畀我睇,全部都係孔劉同埋宋仲基,咁啱屋企又有呢類型衣著啫。」

今日二十位參賽者中,有兩位能夠出線,有機會喺七月到湖南衛視參加總決賽,應昌佑今日亦係香港參賽者之一。

此外,Sunny Wong話飲完郭富城喜宴後暫未見過對方,阿城自己親証雙喜臨門,Sunny話:「我有睇報導,佢話兩個喜字。」唔會做定禮?佢話:「未有預算,有機會都會,好正常。」Sunny話戥阿城開心祝福佢,而佢自己就未有預算生小朋友,睇天意,只能盡做。

娛聞樂陪你走遍全球追星,即Like「娛果」FB 專頁!
BannerBanner