【下年搵埋阿仔】夫妻檔拍廣告賺錢 黎耀祥:市道難撈 

更新時間 (HKT): 2017.04.26 15:32
(攝影:卓寶花)

黎耀祥今日到崇光百貨超市為代言品牌專櫃主持開幕儀式,今年祥仔就同太太一齊做代言人,希望俾到大家溫馨感覺,祥仔笑言:「下年會叫埋阿仔一齊參加,阿仔大個仔,要自己搵錢返學。一家人收八折價錢,一人價錢三人同行呀。」祥仔話依家巿道好難撈,不過呢個出擊價就擺明頂爛市,佢話:「有得撈就撈,我啲客一般都好穩定,冇乜點加價,加得少又好無謂,加得多又要考慮經濟,我情願keep住啲舊客人。」

祥仔早排喺香港忙完《風雲》5D音樂劇,而音樂劇6月就會喺大陸開始巡迴演出,而正正6月祥仔要返大台開劇,個期真係撞哂。

講到曾守明於廣州猝世(新聞連結: http://bit.ly/2pgPWal ),藝進同學會幫忙辦喪事,祥仔話自己一定會盡力協助,並慨嘆:「估唔到我哋呢一輩有人咁早走,知道佢係突發性嘅病。」祥仔透露有定期body check,亦認為生死有命,所以睇得好開,做人輕鬆啲珍惜所有最重要。

娛聞樂陪你走遍全球追星,即Like「娛果」FB 專頁!
BannerBanner