【#PTBF】一工都係得四嚿
22歲出租男友爆行規:有feel就有性

更新時間 (HKT): 2017.04.29 05:20

「其實說穿了,係做鴨!咁我係做緊呢樣嘢,我唔會同你講有分別。我哋會比較有道德啲,即係我哋唔會係又做,唔係又做。」

Peter(化名)22歲,係一個普通文員,同時亦都係一個兼職男朋友(Part-time boyfriend)。每個ptbf同ptgf之所以「入行」,都有唔同嘅原因;有人因為還卡數﹑有人因為買名牌﹑有人因為要幫屋企人還債……不過Peter嘅原因卻只係「貪玩」,「我相信本身我自己貪玩,嗰時得閒冇野做,份工得閒得滯。好奇心態驅使下開咗個IG就試吓,等咗一段時間,大概一個月度,就約咗第一個喇。開頭心態已經唔係為錢,純粹係貪玩嘅心態。」Peter仲話如果係等洗錢,倒不如去「炒散」做侍應。

作為女仔,搵ptbf要畀錢之餘,仲要付出埋身體。點解咁蝕底都肯?Peter解釋只因「寂寞」兩字:「佢哋約得都係想人陪,做一啲男朋友會做嘅野,而唔係friend會做嘅嘢。可能佢哋冇男朋友或者可能悶。 唱k揾個男仔陪下你,幫你蓋吓衫,拖下手。」Peter仲好專業,會做足本份同埋交足功課,畀對方有拍拖嘅感覺,「點都會氹少少嘅,人哋畀咗錢你,你都要畀番少少功課人。即係好似你落酒吧溝女,你畀番少少功課先溝到人o架嘛。」真係估唔到依家連做ptbf,都要咁pro呀!

食飯唱k、行街睇戲,呢啲真係拖友會做的事;但做得ptbf,真係只有咁簡單?Peter就好坦白咁講,佢會接受同客人發生性行為,但都講「feel」o架,「其實你講得出嘅,我底線接受到都會做,而我嘅底線係唔好一嚟就去到sex。可能要約咗一次,例如你唱完k……願意情況下開口問我,咁我就會考慮。」問到佢當係純粹做嘢,抑或會投入感情,Peter話:「放少少感情,唔會太多。因為你只當係duty嘅話,又好似對佢好衰;你放感情又好似呃咗佢,所以通常都係一次唱k,佢想先會做。」不過感情還感情,數目要分明;若果要發生關係的話,就要另外收$400,房錢仲講明係對方畀o添;至於好似SM(性虐待)呢啲特別玩法,佢就話多多錢唔會接受喇。

娛聞樂陪你走遍全球追星,即Like「娛果」FB 專頁!
BannerBanner