【唔好誤會我】遇「情敵」陳凱琳好怕醜 閻奕格:我唔係鍾意佢男友

更新時間 (HKT): 2017.05.06 20:33

陳凱琳、朱千雪、翁嘉穗、溫碧霞伉儷、陳百祥、肥媽等,今晚出席慧妍雅集35周年慈善晚會,實力派歌手閻奕格到場做表演嘉賓,今次唱三首歌,身穿背心晚裝裙露出玉臂,身形略胖,問佢係唔係肥咗少少?閻奕格即扮喊:「o依家都減得幾緊要,自己好少咁着,打扮咁女人,唔係好慣,但係今晚呢個event,所以就要咁着,好少着晚裝,因為自己都爽啲。」

咁以後會唔會多啲着得性感啲?閻奕格笑言:「其實我都係有女人味,我唔係特別要騷,不過今次都有少少性感,都ok接受到。」佢低頭望一望自己胸前,佢又指自己形象係要乖啲,因為嚟緊下星期六要去佛山演《風雲5D音樂劇》演孔慈一角,再同「步驚雲」鄭嘉穎合作!

講到嘉穎女友陳凱琳(Grace)都有嚟慈善晚會,閻奕格話:「係呀!之前喺紅館後台都見過佢,我見到佢都好怕羞,因為要同佢男友喺舞台劇演情侶,仲要係好愛佢男友囉!不過Grace都好大方。」咁Grace喺現場睇會唔會好大壓力?閻奕格相信Grace會明白:「佢都知道做緊戲,ok嘅!第一次演嗰陣都會怕羞,叫佢唔好誤會我,我只係鍾意步驚雲,唔係鍾意佢男友。」

娛聞樂陪你走遍全球追星,即Like「娛果」FB 專頁!
BannerBanner