【大馬開工】《香港華爾街》演「豬一般的局長」 梁健平:簡單講一句唔係膠劇

更新時間 (HKT): 2017.05.25 14:58
攝影:陳慧安

梁健平、陸駿光、蔡潔早前在大馬開工拍攝劉德華監製Fox劇集《香港華爾街》,蔡潔飾演專業會計師,加入秘密團隊,與張孝全、潘燦良、陳家樂、內地演員江奇霖合作,所以經常獲一班男士厚待。蔡潔早在2014和張孝全合作電影,覺得對方有魅力, 大家只係好朋友,今次班底相信好多人羨慕,蔡潔和張孝全有感情戲,不過只係拖手並無親熱戲,蔡潔話:「唔怕傳緋聞,因為佢合作過好多優秀女星,未輪到我啦。」

梁健平飾演經濟發展局局長,他與陸駿光在港視合作後再碰頭,梁健平話自己角色係豬一般局長。講到製作方面,梁健平話:「我哋演員係高手如雲,有吳鎮宇、廖啟智、仲有我。你睇每個角色要經華仔批准就知選角幾嚴緊啦,我都係摱車邊入到劇組,對劇集好有期望,希望到時能夠將香港劇集質素推高 ,睇劇本好有誠意同霸氣。」係咪有信心優勝過其他港劇?梁健平話:「相信劇集可以吸引有質素嘅觀眾,師奶鍾意睇師奶劇,睇我哋人物就知唔係hea住做啦,簡單講一句唔係膠劇,我哋好嘢嚟㗎,套劇嘅前文後理起承轉合係好有追看性。」

而陸駿光就話最初見到咁多前輩合作都好有壓力,主要係和吳鎮宇演對手戲,幸得鎮宇指點。陸駿光見到製作好精雕細琢,和以前拍劇集大有分別。另一場戲劇組吳鎮宇和廖啟智在搭建立法會拍攝對手戲,鎮宇為拍攝橫跨時代戲份,要刻意令自己好憔悴,所以要瞓少啲。

娛聞樂陪你走遍全球追星,即Like「娛果」FB 專頁!
BannerBanner