【前玉女仲愛唱歌】黎明詩同性密友支持復出 強調現時分開住

更新時間 (HKT): 2017.05.28 20:32

黎明詩今日喺銅鑼灣出席活動嘅時候,大方承認出櫃,不過對於同居嘅傳聞,佢就否認。而每次黎明詩講到女伴Kelly嘅時候,都會顯得很興高采烈,仲形容對方係歌迷,經常會聽自己啲舊歌:「我成日問佢有冇咁好聽呀?佢都支持我復出,同埋大家夾可能都係喺英國讀過書。」黎明詩表示Kelly係首位同性蜜友。

講到早年離開娛樂圈後,從事過保險業,之後返到英國幫手打理家族生意,稍後會同友人合作搞健康產品生意,佢自言有興趣復出,因為仍然好鍾意唱歌,o依家不時都會去唱K。不過暫時面對鏡頭仍不太習慣,要時間適應,而佢間唔中都會會同圈中人阮兆祥、上山詩鈉及梅小惠見面。

再問到黎明詩係咪同Kelly同居?佢話:「我哋分開住,係鄰居,唔係同居。」

娛聞樂陪你走遍全球追星,即Like「娛果」FB 專頁!
BannerBanner