【新劇多鹽花】王浩信晒肌 李佳芯譚凱琪「裸」住上

更新時間 (HKT): 2017.06.19 20:53

李佳芯、王浩信、蔡思貝等今日喺尖沙嘴出席新劇《踩過界》記者會,台上播咗一段李佳芯同張振朗「女上男下」嘅激情片段,問到有冇裸露?李佳芯話:「要除衫囉。(除到邊?)肩同背,如果裸露嘅話,譚凱琪有場全裸戲,陳庭欣都會裸上身。」

問李佳芯使唔使同男友陳炳銓備案?佢反問:「點解要?」而陳炳銓近日為ViuTV劇亦搏到盡,同對手流住汗肉搏,李佳芯話角色需要就要去做。現場被問做過乜事最踩過界?李佳芯笑話:「乜都唔戴落街跑步。」令人誤會佢係真空跑步,全場爆笑。

而劇中飾演盲人嘅王浩信,亦都會有唔少裸露鏡頭,短片中亦有佢爆肌演出,身形都係fit到爆。蔡思貝就需要戴假牙,佢話連咬字都有困難,好彩唔使kiss,唔係就仲辛苦。

娛聞樂陪你走遍全球追星,即Like「娛果」FB 專頁!
BannerBanner