【死性不改】生日願望與太太復合 李潤庭再被爆與情婦劏房短敍

更新時間 (HKT): 2017.07.19 12:00

38歲嘅《東張》主持李潤庭因為背住空姐老婆Crystal偷嗒人妻Tiffany,事件曝光之後,Crystal堅決離婚,李潤庭開記者會交代事件,聲稱與第三者Tiffany斬纜,其間兩度鞠躬致歉,工作全面暫停,李潤庭為呢個第三者,唔單止形象插水,仲賠上事業,淪落為雙失中佬,一舖清袋!(新聞連結: http://bit.ly/2kI6AOa )

直到今年4月,李潤庭終於獲解凍,最初安排跑外景,6月先返主播台,但係有網民依然喪插!(新聞連結: http://bit.ly/2u8tEti )喺5月生日嘅李潤庭,嗰陣仲接受訪問話同太太進展良好,希望用時間去補救,o氹番太太!這邊廂李潤庭好情深話努力做嘢求太太原諒,但係今日有周刊報道,原來李潤庭得個講字,佢同情婦Tiffany繼續有聯繫。

報道話離婚後Crystal已經搬離愉景新城,李潤庭喺經濟無力承擔嘅情況下,搬咗去灣仔住劏房,而當時做第三者嘅Tiffany,6月初急急腳上咗李潤庭嘅劏房,二人「舊情復熾」,仲有埋鎖匙自出自入,全程非常熟架步,直到凌晨時份未有離開,跟住喺呢個月初,又見到Tiffany嘅蹤影,今次佢仲買完外賣先上李潤庭嘅屋企。報道又話雖然李潤庭復工,不過工作量唔算好多,有時會去做gym,或者去公園睇人捉棋打發時間,身邊啲朋友都不值佢嘅行為,已經都唔再約佢,今日《蘋果》曾經聯絡李潤庭,不過佢未有回覆。

娛聞樂陪你走遍全球追星,即Like「娛果」FB 專頁!
BannerBanner