【新劇「死魚眼」】麥明詩苦練開合眼:我雙眼呈待機狀態係弱點

更新時間 (HKT): 2017.07.20 16:30

麥明詩(Louisa)今日去到灣仔書展,出席雙年獎頒獎禮,代媽咪麥何小娟領獎,Louisa指媽咪同爸爸去咗芬蘭旅行,所以今日代母領獎,Louisa話:「近排搵到少少錢,所以請佢哋去旅行。」

講到林作推出新書,Louisa表示林作編寫嘅時侯已經有睇過初稿,Louisa話:「對於佢追女仔有啲經歷,我冇特別睇佢啲case,費事諗係邊個,可能都係大家英國讀書識嘅朋友。」對於林作於書中提到最愛嘅人,Louisa唔敢對號入座,佢話:「我覺得係講佢婆婆。」Louisa話唔敢出書教人追男仔,因為自己識男仔較被動,就算拒絶都唔會太直接。

咁會否考慮出寫真,麥明詩話:「睇吓有冇藝術性,我性感都ok,喺《賭城》我都唔錫身,做藝人身體就係器皿。」對於被指喺新劇演出「死魚眼」(新聞連結: http://bit.ly/2uF918v ),Louisa話:「我雙眼呈待機狀態係弱點,我起身會練習開合眼10次。」

娛聞樂陪你走遍全球追星,即Like「娛果」FB 專頁!
BannerBanner