【你話邊個靚啲?】35E莊端兒 vs AA Cup鄧詠雪「胸」降書展

更新時間 (HKT): 2017.07.20 16:55

前女子組合HunterZ成員鄧詠雪(雪子)今日到書展宣傳旅遊新書《人魚公主育成記》,一班好姊妹陳蕊蕊、莊端兒、趙哲妤等撐場。雪子雖然穿上超低胸吊帶衫,但AA Cup身材,與35E嘅莊端兒形成強烈對比。不過,端兒個妝出咗少少事,影相打光後見到塊面一撻撻白色粉,都幾嚇人。

雪子同莊端兒一齊受訪,問到係咪帶姊妹力抗帶保鏢嘅AV女?雪子笑話﹕「係呀,姊妹更強大。」端兒就話﹕「我哋成班姊妹,短裙好睇啲。」新書以美人魚為主題,雪子笑言自己前世係美人魚,細個己經好鍾意水﹕「搬屋一定要有浴缸,因為我每日都會浸浴。(寫真有冇大膽相?)我大膽都冇人想睇啦。」

去年出過寫真嘅莊端兒,話O依家狀態比去年好,佢話﹕「可能做咗割膽手術所以瘦咗,都想雪子教我做美人魚,一齊出都幾好。」雪子笑笑口話﹕「凹凸配幾好喎!(有冇向端兒請教豐胸?)試過食木瓜、搽過豐胸膏都冇用,放棄。」講到兩人上圍好大對比,雪子直言已叮囑姊妹唔好着露胸衫,莊端兒聞言笑說:「交換着都好大對比,3D vs iPad呀!」講完之後,端兒可能覺得講錯嘢,一臉尷尬補充:「3D vs 2D先啱。」

娛聞樂陪你走遍全球追星,即Like「娛果」FB 專頁!
BannerBanner