【夏娃兒Season 2(七)】港男都愛台妹 《不懂撒嬌的女人》張瑋純

更新時間 (HKT): 2017.07.25 00:00

張瑋純(純純)早前喺劇集《不懂撒嬌的女人》入面「嗲」到上哂位,弗爆身材加埋溫柔可愛嘅性格,仲要係港男至愛嘅台妹,試問邊位男士會唔心動?

純純日前喺銅鑼灣接受《蘋果》專訪,穿上吊帶連身裙嘅佢,喺床上面碌來碌去。嗰個殺死人嘅眼神同笑容,性感得黎不失唯美效果,唔單止男士,相信港女們對佢都又愛又恨。問到純純知唔知「港男都愛台妹」呢個都市傳說?佢笑謂:「拍劇嘅時候,好多工作人員都說要娶個台灣女生做老婆,台灣女生真有這樣好嗎?可能是香港女生應該是比較直接吧,拍《撒嬌》的時候,我都要請教很多人,怎樣撒嬌會讓男生覺得比較舒服、比較開心,可能就是說話的時候溫柔點、細聲點吧,台灣女生可能就是比較小女人。」

純純話自己都有溫柔嘅時候,會適當嘅時候讚佢:「如果我要向男友撒嬌,我會小小聲在他身邊說:『拜託啦,拜託啦。』撞他一下這樣子。」至於點樣嘅男生會加分?佢笑謂喜歡皮膚很白、牙齒很白嘅男仔,仲話自己絕對唔會單戀人:「單戀別人是很愚蠢的事,我會喜歡喜歡我的人。」咁呢位撒嬌王而家有冇拍拖先?純純聞言即刻瞪大水汪汪嘅眼睛裝無辜,哎呀...明架啦明架啦。

娛聞樂陪你走遍全球追星,即Like「娛果」FB 專頁!
BannerBanner