【最新回應】陳煒承認五年前已離婚 人前扮恩愛

更新時間 (HKT): 2017.08.08 21:23

【新增回應】43歲陳煒,今午接受傳媒訪問直認與細佢3年、從事光管銷售生意嘅台灣商人顏志行離婚,兩人早於五年前已離異。陳煒之後一度熄電話,未有聯絡上。至晚上9時20分左右,陳煒以短訊回覆傳媒稱:「今日全日忙拍嘢,多謝,我𠵱家又埋位,暫時唔方便講嘢。」

陳煒2008年與顏志行結婚,息影做跟得夫人,近年忽然復出,喺大台劇接劇,大細騷通殺,更頻頻性感見人,非常搏命。當時已有傳同老公聚少離多,更有指顏志行身邊多咗個台灣歌手鄭雙雙,兩人不時出雙入對。去年陳煒拍大台節目《煒哥的味道》時,老公都有現身,仲喺鏡頭前晒恩愛。

睇番資料,2011年12月,陳煒在微博貼老公的照片,寫道:「老公生日快樂」,但有指煒哥39歲生日時,顏志行卻未見影。

近五年來,煒哥一直努力澄清,稱夫妻情不變,但婚變傳聞卻是越傳越熾。同年底,陳煒再成封面人物,被揭獨居香港,並在荃灣租樓住,兩夫妻聚少離多。當時陳煒向記者解釋:「佢﹙老公﹚試過一個月飛37次呀!我點跟住佢!」

之後陳煒再被問到生仔一事時,她卻改口稱:「我都冇講過自己要生BB,嗰陣係記者約我影相,我先至咁講啫!」

娛聞樂陪你走遍全球追星,即Like「娛果」FB 專頁!
BannerBanner