【Twins都有着落】同鄭中基秘婚四年 蔡卓妍情歸「百億麻雀館太子爺」

更新時間 (HKT): 2017.10.07 00:02

36歲鍾欣潼(阿嬌)傳秘撻32歲喺台灣有「醫界王陽明」之稱嘅頼弘國,發展異地姊弟戀,而佢嘅好姊妹蔡卓妍(阿Sa),經歷過失婚後再戀,早前亦宣佈封盤,宣佈同連詩雅舊愛「百億麻將館太子爺」石恆聰拍拖。

34歲嘅阿Sa,今年6月被周刊影到佢同同連詩雅(Shiga)前男友「百億麻雀館太子爺」石恆聰(Anthony)拍拖,事後阿Sa出席活動回應事件嗰陣,全程仲講咗5次「我好開心」,睇嚟佢真係sweet到爆咁噃!(新聞連結: http://bit.ly/2twqQ9q )搵到Mr.Right嘅阿Sa,就有讀者向《蘋果》爆料,話影到佢同石恆聰好Sweet咁去咗東京旅行。好友容祖兒早前更爆同阿Sa去杜拜旅行,阿Sa男友好體貼咁放咗啲紙巾入背囊(新聞連結: http://bit.ly/2x1fSZl )。

而Anthony係「麻雀館大王」石鑑輝嘅後人,家族坐擁逾百億資產,喺香港擁有多個物業、住宅地皮、地舖等。現年30多歲嘅Anthony為家族打理物業,自己亦手持兩個逾億物業,包括畢架山一號的千呎單位,並與三兄妹共同持有筆架山道6號大屋。

覓得愛郎嘅阿Sa,其實情路並唔平坦,出道以來都有唔少緋聞,好似余文樂、陳奕迅、鄭伊健、古天樂、謝霆鋒同吳尊等等,但呢啲緋聞男友全部都係「冇米粥」,原來佢一早已情歸鄭中基,佢哋2004年合作《追擊八月十五》時撻着,但佢哋一直都冇認戀情,直至2010年3月,阿Sa同鄭中基被《蘋果》踢爆已婚四年( 新聞連結: http://bit.ly/2ksQxF5 )。3月底,佢哋喺九展舉行記者會,承認06年喺美國洛杉磯註冊結婚。當時鄭中基表示,雙方均認為這是兩人私事,沒有必要公開。

離婚後嘅阿Sa,就同公司嘅陳偉霆相戀( 新聞連結: http://bit.ly/2hR1aQQ ),至2015年9月20日凌晨,兩人先後喺微博發分手聲明,坦言戀情承受很多壓力:「我們的愛也不像自己想像中堅固」,結束兩人的5年感情。

娛聞樂陪你走遍全球追星,即Like「娛果」FB 專頁!
BannerBanner