李彩華（Rain）今晚喺麥花臣球場開個人演唱會，今晚佢仲請嚟特別嘉賓，就係漁業商會嘅小背心李彩華喇！

介紹小背心李彩華出場嘅時候，Rain話近期佢俾人炒咗hit咗，平時佢早睡早起，因為要準備買魚， Rain話：「好開心認識到你，世界上另一個我。」小背心李彩華話：「梗係要嚟，同名同姓。」Rain話冇理由兩手空空，有冇帶啲瓜子斑來。小背心李彩樺就話：「唱歌我就唔夠班，不過近期學咗saxophone獻醜。」之後佢話幾鍾意李克勤嘅歌《月半小夜曲》，兩人就喺台上合作《月半小夜曲》，小背心李彩華伴奏，阿Rain唱。

唱完《月半小夜曲》後，今次到小背心李彩華一個人表演，拎出一把口琴，奏出由《你唔愛我喇》改編嘅惡搞版《你唔買我喇》。