【金球獎電視篇】《朱古力獎門人》童星費迪夏摩亞大個仔爭視帝

更新時間 (HKT): 2018.01.06 08:30
童星出身的費迪夏摩亞爭帝。

第75屆金球獎頒獎禮香港時間後日舉行,戲劇組視帝視后戰況激烈,唔止一班好戲之人展開惡鬥,更有一班後起之秀嘅新世代演員加入戰團,當中曾以童星身份發展嘅25歲男星費迪夏摩亞(Freddie Highmore),今次憑翻拍自韓劇嘅《The Good Doctor》角逐最佳男主角,費迪夏摩亞當年憑演出電影《朱古力獎門人》(Charlie and the Chocolate Factory),呢次佢就挑戰演一個有學者症候群嘅天才醫生,跟Sterling K. Brown、Bob Odenkirk、Liev Schreiber、Jason Bateman爭做今屆戲劇組視帝。

戲劇組最佳女主角方面,《漢娜的遺言》上位新星嘉芙蓮蘭科(Katherine Langford),越級挑戰《王冠2》「事頭婆」嘉莉兒佛伊(Claire Foy)及《The Handmaid's Tale》的Elisabeth Moss,而《王冠2》更與《怪奇物語2》、《權力遊戲7》等爭奪今屆最佳劇集。來自澳洲嘅嘉芙蓮蘭科雖然在《漢娜的遺言》(13 Reasons Why)中之演技不算上乘,但劇集開播以來大受歡迎及引起各界關注,當中探討出校內欺凌及歧視等社會問題,嘉芙蓮飾演嘅漢娜突然割脈自殺身亡,令家人及同學們震驚不已。兩星期後,男主角Clay放學回家後發現一個寫上其名嘅神秘盒子,內有其同班暗戀對象漢娜在自殺前錄製嘅錄音帶,透露自己有13個輕生原因,揭開內裡不可告人嘅秘密。劇中的學校欺凌、強姦及自殺情節曾引起外界爭議,加拿大更有學校發出警告嚴禁老師與學生談論該劇內容。

另一方面,迷你劇組候選人更加係星光熠熠,兩大影后妮歌潔曼(Nicole Kidman)及麗絲蕙絲潘(Reese Witherspoon)在擔正劇集《小謊言》(Big Little Lies)演技不遑多讓,與謝茜嘉蘭芝、蘇珊莎朗頓及謝茜嘉比爾齊齊入圍迷你劇組視后最後五強。

娛聞樂陪你走遍全球追星,即Like「娛果」FB 專頁!
BannerBanner