【韓流】BTS首奪金唱片大獎 EXO擸4獎封大贏家

更新時間 (HKT): 2018.01.11 18:43
BTS獲得最高殊榮嘅大獎

【新增內容及圖片】

韓國樂壇盛事《第32屆金唱片頒獎禮》噚日起一連兩日於韓國京畿道高陽市舉行,繼噚日頒發「音源部門」嘅獎項後,今日就到「唱片部門」嘅獎項,並由男歌手成始境、韓劇《未生》女星姜素拉擔任司儀,最高殊榮嘅大獎由防彈少年團(BTS)獲得,係BTS首次獲得金唱片大獎。

人氣男團EXO先後獲「Genie Music人氣獎」、「Ceci Asia Icon獎」、「金唱片全球人氣獎」及「本賞」,共拎4獎成大贏家。另外,繼噚日獲頒「音源部門」嘅本賞後,TWICE今日再獲「唱片部門」嘅本賞,隊長志效亦表示好難得。

而自2012年起三度獲得人氣獎的男團SHINee,其27歲成員鐘鉉上月自殺身亡,震驚全球,而金唱片方面今日亦播放短片悼念鐘鉉,更邀得女歌手李遐怡獻唱鐘鉉創作的《Breathe》,李遐怡一度哽咽唱不下去,背向舞台抹淚,場面哀傷。

最後一個本賞由人氣節目《Running Man》成員宋智孝頒發,由SJ獲得,紅地毯未有一同現身嘅成員希澈亦已經會合隊友。獲獎時隊長利特除咗感謝粉絲,亦提到已故鐘鉉,表示餘下4位SHINee成員亦努力重新出發,希望大家給予支持,盡顯同門前後輩嘅好友誼。

娛聞樂陪你走遍全球追星,即Like「娛果」FB 專頁!
BannerBanner