【韓流】拯救受虐學生 李寶英哽咽:我哋需要關注虐兒問題

更新時間 (HKT): 2018.01.18 16:25
李寶英於台上提到有關虐兒嘅新聞時,一度哽咽。

韓國女星李寶英主演嘅tvN新劇《Mother》將於下周三首播,新劇翻拍自同名日劇《愛母罪》,講述李寶英飾演嘅小學老師為咗救一名受虐嘅小學生,而自願成為小學生嘅母親,仲帶小學生展開逃亡。

劇組今日舉行製作發佈會,李寶英公開演出新劇嘅原因,表示:「生完BB後嘅一年,我眼中只見到虐待兒童嘅相關新聞,揀作品時,當時期亦出現咗好多虐兒嘅新聞。係有衝動選擇嘅因素,但當時我覺得我哋需要關注周圍受虐待嘅兒童,整個社會都要意識到呢點。可以話係因為當時一份責任心,令我選擇咗呢部作品。」作為一女之母嘅李寶英,提到虐兒新聞時,更一度哽咽。

娛聞樂陪你走遍全球追星,即Like「娛果」FB 專頁!
BannerBanner