【笑容滿臉】有冇99枝玫瑰?酒井法子連收兩束花冧到嘟晒嘴

更新時間 (HKT): 2018.01.19 16:27

日本女星酒井法子今日抵港,為明晚喺香港浸會大學會堂舉行嘅演唱會準備。下午2時許酒井手持一束鮮花出現,由兩名穿西裝保安陪同步出閘口時,再接過工作人員送上嘅鮮花,現場fans連圍觀者約有30人在場。

面露微笑嘅酒井先企定定畀記者影相,之後又同在場人士揮手、鞠躬,沿途離開時同fans有講有笑,當收到佢哋小禮物時有啲驚訝,又嘟下嘴咁。喺酒井同行嘅行李當中,仲有幾箱台灣著名鳳梨酥店嘅紙盒,可能係酒井帶畀香港工作人員嘅手信。上咗七人車後,記者以廣東話問起佢對日本一代音樂教父小室哲哉退出樂壇嘅報道時,佢冇回答便離開。

其後記者又見到吳尊抱住女兒步出閘口,同行有兩名工作人員陪同,眼前所見囡囡已經好高大。囡囡喺大陸真人騷節目中曾出鏡,但今日就有啲怕醜,由爸爸抱住,挨喺爸爸膊頭。吳尊話今次來港逗留兩日,之後會跟囡囡拍攝《爸爸去哪兒》,但原來佢最關心嘅係天氣,問番記者香港呢幾日會唔會好凍,又話會準備番多啲衫抵寒。

娛聞樂陪你走遍全球追星,即Like「娛果」FB 專頁!
BannerBanner