【台慶頒獎禮】做主持連名都叫錯 蔡康年被網民插唔專業

更新時間 (HKT): 2018.01.21 19:18

無綫嘅台慶頒獎禮喺今晚舉行,今晚大約六點一眾藝員就嚟到電視城一廠外大晒冷,由主持逐一介紹佢哋出嚟行紅地毯,仲全程有網上直播。

嚟到廿一世紀,網上直播呢樣嘢技術越嚟越成熟,亦都多咗唔少觀眾都鍾意呢個模式,點解?因為可以互動吖嘛,一路睇直播一路留言同其他人交流,獨樂樂不如眾樂樂,大家一齊傾吓都咪話唔開心。

不過,今日呢個紅地毯直播就惹嚟唔少網民留言怒插,事關今次嘅主持人,48歲嘅蔡康年喺活動上竟然錯漏百出,好似將龔嘉欣叫錯咗做鍾嘉欣、將《親親我好媽》叫錯咗做《親親我媽媽》、叫唔出《學是學非》嘅主持人名、仲喺楊明出場嘅時候話:「提名過六名嘅楊明」,令到楊明尷尬苦笑等等。

娛聞樂陪你走遍全球追星,即Like「娛果」FB 專頁!
BannerBanner